Pjany žychar Buda-Kašalova spaliŭ sužycielku
Trahiedyja zdaryłasia 28 listapada.
Fota: Śledčy kamitet
Pamiž 49-hadovym mužčynam i jaho 47-hadovaj sužycielkaj adbyŭsia kanflikt na hlebie reŭnaści, paviedamlaje Śledčy kamitet.
Padčas svarki padazravany spačatku źbiŭ sužycielku, a paśla abliŭ jaje haručaj vadkaściu i padpaliŭ. Ad atrymanych cialesnych paškodžańniaŭ žančyna pamierła na miescy.
Biespracoŭny mužčyna znachodziŭsia ŭ stanie ałkaholnaha apjanieńnia. U ciapierašni čas jon zatrymany.
Raniej padazravany sudzimaściaŭ nie mieŭ. Ale ž sužycielka raniej źviartałasia ŭ pravaachoŭnyja orhany pa fakcie pryčynieńnia joj lohkich cialesnych paškodžańniaŭ padazravanym, adnak kryminalny pieraśled u dačynieńni da mužčyny byŭ spynieny ŭ suviazi z prymireńniem bakoŭ.