Hałoŭnym trenieram salihorskaha «Šachciora» pryznačany Aleh Kubaraŭ
Siarebrany pryzior čempijanatu Biełarusi pa vynikach minułaha siezona salihorski «Šachcior» 29 listapada abviaściŭ ab źmienie hałoŭnaha treniera: zamiest Siarhieja Nikifarenki kamandu budzie treniravać Aleh Kubaraŭ.
50-hadovy śpiecyjalist u hetym siezonie treniravaŭ «Spartak» ź Jurmały i ŭpieršyniu ŭ historyi kłuba vyjhraŭ čempijanat Łatvii.
Da hetaha Kubaraŭ uznačalvaŭ žodzinskaje «Tarpieda-BiełAZ», «Homiel», «Zimbru» i «Dačyju» z Małdovy. Z «Homielem» nastaŭnik vyjhraŭ bronzavyja miedali, Kubak i Supierkubak Biełarusi, z «Zimbru» — Kubak i Supierkubak Małdovy.
Siarhiej Nikifarenka treniravaŭ «Šachcior» z červienia 2015 hoda i vyjhraŭ z salihorskaj kamandaj bronzavyja i siarebranyja miedali. Jon zastaniecca pracavać u «Šachciory» na inšaj pasadzie.