Były kandydat u prezidenty ZŠA admoviłasia ad pieraliku hałasoŭ u Piensilvanii
Raniej štat Mičyhan, dzie pieralik adbyŭsia, paćvierdziŭ pieramohu Trampa.
Reuters.com
Były kandydat u prezidenty ZŠA ad Partyi zialonych i inicyjatar pieraliku hałasoŭ vybarščykaŭ u troch štatach Džył Stajn admoviłasia ad svajoj idei ŭ štacie Piensilvanija. Pra heta paviedamlaje The Associated Press sa spasyłkaj na zajavu Stajn.
Jana adklikała sudovaje chadajnictva praź niekalki dzion paśla taho, jak sud abaviazaŭ pazoŭnikaŭ zapłacić $1 młn na 5 śniežnia dla dalejšaha razhladu spravy. U zajavie Stajn havorycca, što inicyjatyvu partyi padtrymali zvyčajnyja ludzi, u jakich niama mahčymaści sabrać takuju sumu ŭ karotki termin.
Adnak pradstaŭniki partyi zajavili, što jany buduć damahacca pierahladu vynikaŭ vybaraŭ nie na ŭsioj terytoryi Piensilvanii, a tolki na niekatorych vybarčych učastkach. Sama Stajn nazvała patrabavańnie ŭnieści dadatkovyja hrošy «aburalnym». «Heta jašče adzin prykmieta taho, što sastareły zakon ab vybarach u Piensilvanii nakiravany suprać vybarščykaŭ», - zajaviła były kandydat u prezidenty ZŠA