Pamierła žonka vieterana, siabra Partyi BNF Fieliksa Škirmankova. Jany 67 hadoŭ pražyli razam
U 2014 h. Škirmankovy paśla 65 hadoŭ sumiesnaha žyćcia abviančalisia.
Dniami paśla ciažkaj chvaroby na 89-m hodzie žyćcia pamierła Viera Vasiljeŭna Škirmankova — žonka vieterana Vialikaj Ajčynnaj vajny, hramadskaha dziejača, siabra Partyi BNF Fieliksa Škirmankova, paviedamlaje «Narodnaja vola».
Škirmankovy pražyli razam 67 hadoŭ.
Piać hadoŭ tamu Fieliks Uładzimiravič zhadvaŭ: «Nie moh pavieryć u svajo ščaście: zakachacca ź pieršaha pohladu ŭ tuju, jakuju navat nie adrazu pabačyŭ tołkam. Jana ž akazałasia takaja čaroŭnaja, zhrabnaja, viasiołaja, palotnaja, jak ptuška. Praz try hady (u 1949-m) my pabralisia šlubam, i ŭžo 62 hady [intervju 2012 hoda] — ruka z rukoj, duša z dušoj — pralacieli imhnienna. Syna i dačku na radaść sabie i ludziam vyhadavali, pryčakali čatyroch unukaŭ i čatyroch praŭnukaŭ … Skažacie, takoje byvaje tolki ŭ ramanach, a zdaryłasia sa mnoj i doŭžycca dahetul».
Viera Vasiljeŭna taksama pracavała, jak i muž, u hieałaična-raźviedvalnaj partyi, była kartohrafam.
Pachavali jaje na haradskich mohiłkach u Słaŭharadzie.
***
«Naša Niva» vykazvaje Fieliksu Uładzimiraviču Škirmankovu i jaho blizkim svaje spačuvańni.