U Minsku pry sutyknieńni aŭtamabilaŭ dzicia vylecieła praz bakavoje škło
Sutyknieńnie dvuch aŭtamabilaŭ na skryžavańni praśpiekta Rakasoŭskaha i vulicy Plachanava adbyłosia ŭ Minsku — siarod paciarpiełych pasažyraŭ paŭtarahadovaje dzicia, paviedamiŭ načalnik adździeła pa ahitacyi i prapahandzie DAI Siarhiej Zaranik.
«DTZ zdaryłasia ŭnačy 5 śniežnia. Kiroŭca «Micubisi Kolt» vyjechaŭ na pierakryžavańnie pr. Rakasoŭskaha i vuł. Plachanava na čyrvony sihnał śviatłafora, nie sastupiŭ darohu i sutyknuŭsia z «Reno Miehan».
Pavodle papiaredniaj infarmacyi, ad mocnaha ŭdaru praz zadniaje bakavoje škło aŭtamabila «Micubisi» vylecieła dziaŭčynka 2015 hoda naradžeńnia, jakuju maci trymała na rukach. Dzicia dastaŭlena ŭ špital z strasieńniem mozhu», - adznačyŭ Siarhiej Zaranik.