Bolš za 3 tysiačy ŭkrainskich siłavikoŭ zahinuli na Danbasie z 2014 hoda
Fota Alaksandra Vasiukoviča, Tut.by
Načalnik hienštaba ŭzbrojenych sił Ukrainy Viktar Muženka ŭ intervju Parłamienckamu vydańniu «Hołas Ukrainy» nazvaŭ apošnija dadzienyja pra straty, jakija panieśli vajskoŭcy dy inšyja ŭkrainskija siłaviki za ŭvieś čas bajavych dziejańniaŭ na ŭschodzie krainy, paviedamlaje Bi-bi-si.
Pa słovach Muženki, z pačatku praviadzieńnia apieracyi zahinuli 3 064 čałavieki «ad usich siłavych struktur», ź jakich 2 636 — vajskoŭcy uzbrojenych sił Ukrainy, pryčym «z hetaha liku 2 148 - heta bajavyja straty». Ranieńni atrymali 10 753 siłaviki, ź ich 8 897 — vajskoŭcy.