Hurt «HURMA» vypuściŭ klip z Dartam Viejderam i jahonym synam Lukam VIDEA
Napiaredadni vychadu novaha epizodu kultavaj sahi «Zornyja vojny» minski hurt HURMA prezientuje klip na pieśniu «Luk, ja tvoj tata». Kultavy radok z sahi byŭ uziaty nievypadkova: pieśnia raspaviadaje historyju čałavieka, jaki vyras biez baćki. U klipie źjaŭlajecca i toj samy halivudski Dart Viejder, jakoha chłopčyk prymaje za svajho baćku.
Režysioram novaha videa staŭ Arciom Łobač. Heta ŭžo druhaja praca biełaruskaha klipmejkiera ŭ supracoŭnictvie z hurtom HURMA. Hałoŭnuju rolu ŭ klipie syhraŭ maleńki akcior z Mahilova Ivan Klimovič.
Tekst pieśni «Luk, ja tvoj tata» na pačatku hoda byŭ apublikavany ŭ debiutnym paetyčnym zborniku «Raźvitancy» Mikity Najdzionava. Kniha ŭvajšła ŭ šort-list litaraturnaj premii «Debiut» imia Maksima Bahdanoviča.