Jehier u Białynickim rajonie dazvoliŭ turystu zastrelić alenia ŭ zabaronienaj zonie
Jehier u Białynickim rajonie dazvoliŭ turystu-zamiežniku zastrelić alenia ŭ zabaronienym dla palavańnia miescy, paviedamiła BiełTA pres-sakratar Dziaržaŭnaj inśpiekcyi achovy žyviolnaha i raślinnaha śvietu pry prezidencie Biełarusi Volha Hramovič.
Pra stralaninu ŭ niepasrednaj blizkaści ad trasy M4 Minsk-Mahiloŭ paviedamili vidavočcy. Jak dziaržinśpiektary vyśvietlili, jehier miascovaj palaŭničaj haspadarki pravodziŭ tut palavańnie z turystam-zamiežnikam. Pierajazdžajučy z adnoj častki ŭhodździaŭ u inšuju, palaŭničyja vyjechali na darohu ahulnaha karystańnia i ŭ hety čas za aharodžaj zaŭvažyli aleniaŭ. Jehier daŭ dabro na streł.
Pry hetym kiraŭnik palavańnia (jak jon patłumačyŭ paźniej) zabyŭsia, što terytoryja za płotam (49-y kvartał Białynickaha laśnictva) naležyć da zony spakoju. Zdabyvać źviera ŭ hetaj zonie zabaroniena, takoje palavańnie ličycca niezakonnym, a pryčynienaja škodu pamnažajecca trochrazova. Kab vyciahnuć tušu alenia z-za płota, palaŭničyja razabrali častku aharodžy.
Ciapier u dačynieńni da dziejańniaŭ jehiera pravodzicca pravierka, moža być raspačataja kryminalnaja sprava.