Biełaruś dapamahła Supraslskamu manastyru budmateryjałami
Dapamoha akazana «ŭ metach spryjańnia duchoŭnamu adradžeńniu i ŭmacavańniu tradycyj pravasłaŭnaj carkvy».
Jak paviedamiła pres‑słužba Ministerstva zamiežnych spraŭ Biełarusi, dapamoha akazana pa rašeńni prezidenta Alaksandra Łukašenki «ŭ metach spryjańnia duchoŭnamu adradžeńniu i ŭmacavańniu tradycyj pravasłaŭnaj carkvy».
Dla adnaŭleńnia chrama Uvaskrašeńnia Chrystova i rekanstrukcyi katakombaŭ AAT «Krasnasielbudmateryjały» pieradało polskamu boku 15 ton cemientu i 5 ton vapny. Biełaruskim pasolstvam u Polščy i hienkonsulstvam Biełarusi ŭ Biełastoku było akazana sadziejničańnie ŭ vyrašeńni arhanizacyjnych pytańniaŭ i dastaŭcy budaŭničych materyjałaŭ na terytoryju Polščy. Akramia taho, «prapracoŭvajucca pytańni pieradačy manastyru mietałakanstrukcyj, inšych nieabchodnych dla rekanstrukcyi budaŭničych materyjałaŭ, kamplekta biełaruskich dyvanoŭ dla pravasłaŭnaha Chrama», paviedamlaje pres‑słužba MZS.
Supraslski Błahavieščanski manastyr, zasnavany ŭ 1498 hodzie, źjaŭlajecca adnym z najstarejšych centraŭ pravasłaŭja va Uschodniaj Jeŭropie. Na praciahu mnohich stahodździaŭ manastyr pravodzić aktyŭnuju aśvietnickuju dziejnaść pa raspaŭsiudžvańni pravasłaŭnaj viery siarod miascovaha nasielnictva. Pradstaŭniki pravasłaŭnaha duchavienstva i śpiecyjalisty nazyvajuć Supraslski manastyr duchoŭnaj i architekturnaj žamčužynaj Biełastoččyny.