12 čačenskich vajskoŭcaŭ admovilisia jechać u Siryju. Ich zvolnili
Minabarony Rasii zvolniła 12 čačenskich vajskoŭcaŭ za admovu jechać u Siryju dla ŭdziełu ŭ bajavych dziejańniach. Pra heta sa spasyłkaj na nienazvanyja krynicy ŭ MUS Čačni paviedamlaje «Kavkazskij uzieł».
Pa infarmacyi vydańnia, čačency słužyli ŭ bataljonie vajennaj palicyi ŭ Chankale. Surazmoŭca «Kavkazskoho uzła» zaŭvažyŭ, što achvotnych adpravicca ŭ Siryju dastatkova, bo im abiacana bolšaje hrašovaje zabieśpiačeńnie i lhoty.
Aficyjnaha paćviaržeńnia hetaj infarmacyi niama.