Sarkazi zdaŭsia
Prezydent Francyi pryjedzie ŭ Pekin na aficyjnaje adkryćcio Alimpijskich hulniaŭ. Raniej Sarkazi zaklikaŭ da pieramovaŭ z uradam Tybetu ŭ vyhnańni. A voś Anhieła Merkiel u Kitaj nie pajedzie.
Raniej Jelisiejski pałac davaŭ zrazumieć, što Sarkazi moža nie pajechać na adkryćcio Hulniaŭ u znak pratestu suprać palityki Kitaja ŭ dačynieńni da Tybetu.
Pakolki ź 1 lipienia Francyja vykonvaje funkcyi staršyni Eŭrasajuzu, na pekinskaj cyrymonii adkryćcia Alimpijady, jakaja projdzie 8 žniŭnia, Sarkazi budzie pradstaŭlać taksama i Eŭrasajuz.
Niekatoryja pravaabaroncy zaklikali lideraŭ najbujniejšych suśvietnych dziaržaŭ bajkavatać cyrymoniju adkryćcia Hulniaŭ.
Tak, «Reparciory biaz miežaŭ» (štab‑kvatera arhanizacyi znachodzicca ŭ Paryžy) zajavili, što pajezdka Sarkazi ŭ Pekin stanie ździekam ŭ dačynieńni da abaviazkaŭ [prezydenta] u dačynieńni da narodu Francyi».
Nikala Sarkazi zajaviŭ, što svajo rašeńnie ŭzhadniaŭ ź liderami Eŭrasajuzu.
Nahadajem, što raniej prezydent Francyi zaklikaŭ kitajskija ŭłady pačać pieramovy z uradam Tybetu ŭ vyhnańni i Dałaj‑łamam i vypuścić z turmaŭ palitviaźniaŭ.
U zajavie Jelisiejskaha pałacu, u jakim paviedamlajecca pra rašeńnie Sarkazi pajechać na Alimpijadu, ničoha nie havorycca ni pra Dałaj‑łamu, ni pra prablemu Tybetu.
Na adkryćcio Hulniaŭ u Pekin pryjedzie taksama prezydent ZŠA Džordž Buš. Adnak kancler Niamieččyny Anhieła Merkiel i premjer‑ministar Kanady Styven Charper na cyrymoniju nie pryjeduć.
Nia budzie brać udziełu ŭ adkryćci Hulniaŭ premjer‑ministar Brytanii Hordan Braŭn, ale jon voźmie ŭdzieł u zakryćci Hulniaŭ. Nia budzie prysutničać taksama na adkryćci Alimpijady i hieneralny sakratar AAN Pan Hi Mun