Na pažary ŭ Minsku zahinuli dźvie žančyny
Na pažary na vulicy Hierasimienki ŭ Minsku 15 śniežnia zahinuli dźvie žančyny.
Jak paviedamlaje Minskaje haradskoje ŭpraŭleńnie MNS, u 11.53 ad žycharoŭ doma pa vuł. Hierasimienki, 16, pastupiła paviedamleńnie pra dym u padjeździe. Paśla prybyćcia da miesca vykliku pieršych padraździaleńniaŭ pažarnych było vyjaŭlena, što na druhim paviersie dzieviacipaviarchovaha žyłoha doma ŭ žyłym pakoi dvuchpakajovaj kvatery adbyłosia zaharańnie majomaści na płoščy 11 kvadratnych mietraŭ.
U pakoi znojdzienyja dva abharełyja trupy: haspadyni kvatery i jaje maci.
Rabotniki MNS, vykarystoŭvajučy maski, spuścili ź vierchnich kvater pa leśvičnym maršy piać čałaviek, u tym liku dvaich dziaciej.
Evakujavana 15 čałaviek. Siarod ich paciarpiełych niama.
Pažaram paškodžana mebla ŭ pakoi, zakurana kvatera. Pryčyna trahiedyi vyśviatlajecca.