MZS Polščy: Rašeńnie pra finansavańnie «Biełsata» jašče nie pryniataje
Rašeńnie pra finansavańnie telekanała «Biełsat» pakul nie pryniataje, paviedamili BiełaPAN u Ministerstvie zamiežnych spraŭ Polščy.
«U adkaz na vaša pytańnie paviedamlajem, što rašeńnie adnosna finansavańnia telekanała «Biełsat» jašče nie pryniataje», — zajavili ŭ pres-słužbie MZS u adkaz na prośbu BiełaPAN prakamientavać budučyniu telekanała.
Pra toje, što MZS Polščy skaračaje na dźvie traciny finansavańnie «Biełsata», i pra mahčymy pieravod telekanała na ruskamoŭnaje viaščańnie paviedamiła 15 śniežnia polskamu vydańniu Wpolityce dyrektar «Biełsata» Ahnieška Ramašeŭskaja-Huzy.
U Biełarusi hetaja infarmacyja vyklikała vialiki rezanans. Aktyvisty demsił užo abviaścili pra namier arhanizavać kampaniju ŭ padtrymku «Biełsata».
#biełsatžyvi: u sacsietkach pačałasia kampanija zvarotaŭ da ŭrada Polščy. Ale hučać i procilehłyja hałasy
Padčas vizitu ŭ Minsk u mai hetaha hoda dyrektar «Biełsata» raspaviała BiełaPAN, što telekanał užo straciŭ bolš za čverć ahulnaha abjomu finansavańnia. «My stracili finansavańnie z Zachodniaj Jeŭropy. U nas było šviedskaje, narviežskaje, kanadskaje finansavańnie, ciapier hetaha niama. Finansavańnie «Biełsata» vyklučna polskaje», — adznačyła Ramašeŭska-Huzy.
Pry hetym jana zaŭvažyła, što zabiaśpiečvać poŭny cykł pracy kanała za srodki biełaruskich hramadzian naŭrad ci mahčyma, bo «źbirać z hodu ŭ hod takoje vielizarnaje finansavańnie vielmi składana».
Spadarožnikavy telekanał «Biełsat» viaščaje na Biełaruś z 10 śniežnia 2007 hoda. Jon stvorany jak strukturnaje padraździaleńnie Polskaha telebačańnia, redakcyja «Biełsata» raźmiaščajecca ŭ Varšavie.