Finalistaŭ adboru na «Jeŭrabačańnie-2017» paznačyli roznymi znakami nacyjanalnaha arnamientu FOTA
Siońnia ŭ Biełteleradyjokampanii prachodziać zdymki vizitak dla kožnaha z 13 finalistaŭ biełaruskaha adboru na «Jeŭrabačańnie-2017», paviedamlaje BiełTA.
Pavodle kancepcyi, u jakaści asnovy vizitak vykarystanaja simvolika biełaruskaha arnamientu.
U kožnaha finalista — toj ci inšaj znak. Naprykład, simvał «Ziamla» dastaŭsia śpiavačcy KATTIE, Uładzisłavu Kurasavu vypała «Bahaćcie», a hrupie NAVIBAND — «Prodki».
Simvały prodkaŭ. Elemienty biełaruskaj nacyjanalnaj simvoliki pradstaŭlenyja, naprykład, na dzedzich.org
«Dla finalistaŭ my vybirali simvały ŭ adpaviednaści ź pieśniaj i jaje padačaj, a taksama vobrazam artysta», — raspavioŭ režysior videarolikaŭ Juryj Jarošyk.
U finale vystupleńniu kožnaha artysta budzie papiaredničać vizitoŭka. Šou adbudziecca ŭ pramym televizijnym efiry 20 studzienia 2017 hoda na kanale «Biełaruś 1» i mižnarodnym spadarožnikavym telekanale «Biełaruś 24».
Aficyjny pradstaŭnik Biełarusi dla ŭdziełu ŭ mižnarodnym konkursie pieśni «Jeŭrabačańnie-2017» u Kijevie budzie vyznačany padčas tranślacyi finału hałasavańniem telehledačoŭ i prafiesijnaha žury pavodle kłasičnaj formuły 50x50.