Eks-prezident Izraila daterminova vychodzić z turmy
Były prezident Izraila Moše Kacaŭ, asudžany za zhvałtavańnie, vyjdzie na volu daterminova, paviedamlaje VVS.
Kamisija pa pamiłavańniach Upraŭleńnia turmaŭ Izraila zadavoliła prašeńnie 71-hadovaha palityka ab daterminovym vyzvaleńni. Jon pavinien pakinuć turmu na nastupnym tydni. Pa słovach advakata, pačuŭšy hetuju navinu, Kacaŭ zapłakaŭ. Jon adbyŭ piać hadoŭ ź siami, pryznačanych jamu sudom.
Heta była ŭžo treciaja sproba Kacava damahčysia daterminovaha vyzvaleńnia. Dźvie papiarednija pośpiecham nie ŭviančalisia.
U 2011 hodzie Kacaŭ byŭ asudžany akruhovym sudom Tel-Aviva da siami hadoŭ źniavoleńnia pavodle abvinavačańnia ŭ dvuch vypadkach zhvałtavańnia svajoj padnačalenaj, seksualnych damahańniach, nieprystojnych pavodzinach i sprobach pieraškadžać śledstvu. Palityk nastojvaŭ na svajoj nievinavataści.