U Bierlinie hruzavik prataraniŭ kaladny kirmaš
U stalicy Hiermanii hruzavik urezaŭsia ŭ kaladny kirmaš, źmiaŭšy niekalki pałatak.
Heta zdaryłasia a 20-j hadzinie pavodle siaredniajeŭrapiejskaha času (22:00 pa Minsku) u pačatku vulicy Kurfiurstendam, niepadalok ad carkvy kajziera Vilhielma. Pavodle bierlinskaj palicyi, zahinuli 9 čałaviek. Bierlinskija ŚMI pišuć pra 50 paranienych.
Palicyja zatrymała kiroŭcu hruzavika. Adrazu paśla avaryi jon vyskačyŭ z kabiny i pasprabavaŭ uciačy. Druhi čałaviek, što znachodziŭsia ŭ kabinie, pa papiarednich dadzienych, pamior ad traŭmaŭ.
23:12
Niamieckija ŚMI paviedamlajuć pra niekalki zahinułych i 50 paranienych.
Palicyja Bierlina paviedamlaje pra 9 zahinułych
23:03
Prynamsi adzin čałaviek zahinuŭ, jość paranienyja ŭ vyniku taho, što hruzavik urezaŭsia ŭ tłum na kaladnym kirmašy.
Zdareńnie adbyłosia ŭ Bierlinie, u prestyžnym rajonie Kurfiurstendam, paviedamlaje ahienctva Rojterz.
Pakul viadoma vielmi mała detalaŭ incydentu.