Vadzim Hihin paraŭnaŭ pavodziny Rasii z praparščykam: «Čamu biez šapki? Čamu biez valonak?»
Čarhovy vypusk pieradačy «Sprava pryncypu» na telekanale ANT byŭ pryśviečany temie pretenzij «Raśsielhasnadhladu» da biełaruskich tavaraŭ.
Načalnik hałoŭnaha ŭpraŭleńnia źniešnieekanamičnaj dziejnaści Ministerstva sielskaj haspadarki Alaksiej Bahdanaŭ adznačyŭ, što raniej pretenzii byli da «antybijotykaŭ», ciapier antybijotykaŭ niama, zatoje jość niapravilna zapoŭnienyja dakumienty.
Načalnik hałoŭnaha ŭpraŭleńnia źniešnieekanamičnaj dziejnaści Ministerstva sielskaj haspadarki Alaksiej Bahdanaŭ.
«Mnie heta nahadvaje stary aniekdot, jak praparščyk nie viedaje da čaho prydzierciesia da sałdata i pytajecca: «Čamu biez šapki, čamu biez valonak?» — prakamientavaŭ dziejańni rasijskaha boku viadučy Vadzim Hihin.
«Heta łabiravańnie čyichści palityčnych intaresaŭ ci palityčnaja linija?» — zadajecca pytańniem spadar Bahdanaŭ. Pa jaho słovach, ščučynskaje pradpryjemstva źviartałasia ŭ sud adnosna falsifikacyi tavaraŭ u Ćviarskoj vobłaści, adnak spravu prosta zakryli.
«Jak heta možna prakamientavać, kali tam nie dziejničajuć navat pravavyja miechanizmy?» — spytaŭsia Hihin.
Na siońnia ŭ Rasiju idzie 94% biełaruskaha małočnaha ekspartu.
Vadzim Hihin.
«U čym niebiaśpieka? Kali ZŠA patrebny byŭ sajuźnik na Blizkim Uschodzie, to jany stvaryli dziaržavu Izrail, armiju, śpiecsłužby. U ich nie było vady — va ŭsich vojnach padtrymali, zabiaśpiečyli dostup da vady. I jany atrymali sajuźnika. Razumiejecie, hieapalityka! Siońnia Rasija pretenduje na rolu ŭ śviecie, i tyja hieapalityčnyja pasłuhi, jakija akazvaje Biełaruś, jany našmat daražejšyja za toje, što my tam niešta nie pastavili niekalki miljonaŭ litraŭ małaka.
Tamu pavinny kuplać, pić biełaruskaje małako, a jašče kazać dziakuj, što nivodzin ruski nie adčuvaje tut siabie hościem. U Kazachstanie ruskaja mova mižnacyjanalnych znosin, u nas — dziaržaŭnaja. Za heta my nie pavinny mieć prablem na rasijskim rynku. A kali nie budzie rynačnikaŭ, to zaŭtra rasčlaniać Rasiju», — skazaŭ palitołah Vadzim Baravik.
Vadzim Baravik.
«U hetaha Dankvierta ŭvieś chaładzilnik zabity biełaruskimi tavarami! Žonka jeść naš syr, naša małako», — adznačyŭ Baravik pra kiraŭnika «Raśsielhasnadhladu».
Pradstaŭnik Ministerstva sielskaj haspadarki pry hetym adznačyŭ, što ŭ Rasii na siońnia deficyt małaka składaje 8 miljonaŭ litraŭ, Biełaruś ža moža zakryć tolki pałovu.