Na siabraŭ ruchu «Za svabodu» skłali pratakoły za čytańnie vieršaŭ la pomnika Bahdanoviču
Za litaraturnyja čytańni, pryśviečanyja 125 hodździu Maksima Bahdanoviča, pratakoły składzienyja jak minimum na čatyroch siabraŭ ruchu «Za svabodu», u tym liku na staršyniu arhanizacyi Jurasia Hubareviča, paviedamlaje pres-słužba ruchu.
Usich aktyvistaŭ abvinavačvajuć va ŭdziele (a Hubareviča i ŭ arhanizacyi) u niesankcyjanavanym pikiecie 9 śniežnia la pomnika Maksima Bahdanoviča.
Parušeńnie vyraziłasia ŭ «sumiesnaj masavaj prysutnaści» pa ŭkazanym adrasie. Aktyvista ruchu «Za Svabodu» Alaksieja Sajeviča taksama abvinavačvajuć u tym, što jon trymaŭ bieł-čyrvona-bieły ściah i čytaŭ vieršy.
«Absurdnaja łohika ŭładaŭ. Kali aficyjoznaje mierapryjemstva, to možna nahnać studentaŭ, vajskoŭcaŭ, jakija tam sumavali. A kali ludzi prajavili ŭłasnuju inicyjatyvu, za heta jany traplajuć pad represii. Usio što nie dazvolena, usio zabaroniena», - prakamientavaŭ atrymańni pratakołaŭ Juraś Hubarevič.