Łukašenka padpisaŭ ukaz ab piensijach paciarpiełym pry terakcie na «Kastryčnickaj»
Alaksandr Łukašenka padpisaŭ ukaz «Ab piensijnym zabieśpiačeńni hramadzian, jakija paciarpieli ŭ vyniku aktu teraryzmu». Pryniaty ŭkaz dazvolić pavialičyć pamiery piensij hramadzianam, jakija stali invalidami z pryčyny aktu teraryzmu. Pra heta paviedamlaje pres-słužba prezidenta Biełarusi.
«Dakumient nakiravany na ŭzmacnieńnie sacyjalnaj abarony hramadzian, jakim ustanoŭlena invalidnaść pryčyny cialesnych paškodžańniaŭ, atrymanych niepasredna ŭ vyniku aktu teraryzmu, jaki adbyŭsia 11 krasavika 2011 hoda ŭ Minsku na stancyi mietro «Kastryčnickaja», — havorycca ŭ paviedamleńni. Adznačajecca, što pryniaty ŭkaz dazvolić pavialičyć pamiery piensij hramadzianam, jakija stali invalidami z pryčyny aktu teraryzmu.
Ukazam ustanoŭleny asablivy paradak pryznačeńnia i pieraraźliku piensij paciarpiełym. Pryznačeńnie takich piensij budzie ažyćciaŭlacca zychodziačy z zarobku, vyznačanaha za apošnija 12 miesiacaŭ pracy, jakija papiaredničali aktu teraryzmu, z ulikam pakazčyka stupieni straty prafiesijnaj pracazdolnaści (zamiest ustanoŭlenaj hrupy invalidnaści).
Budzie taksama zabiaśpiečvacca štomiesiačny pieraraźlik nazvanych piensij u suviazi z rostam u Biełarusi siaredniaha zarobku.