ŚMI nazvali małaimaviernaj viersiju teraktu na Tu-154 z-za reakcyi susiedziaŭ
Jak paviedamiŭ haziecie «Kommiersant» vysokapastaŭleny supracoŭnik siłavych struktur, kali b rasijskija ŭłady vyrašyli ŭtaić terakt na borcie Tu-154, što vylecieŭ z Sočy, to «jaho b zafiksavali i tut ža raspaŭsiudzili infarmacyju susiedzi Rasii pa rehijonie». Jon patłumačyŭ, što kožny rasijski samalot, jaki vylataje ŭ Siryju, źjaŭlajecca abjektam pilnaj uvahi z boku krain NATA. Sistemy nazirańnia ŭstanoŭleny ŭ Turcyi, Hruzii i va Ukrainie.
Kommiersant
Surazmoŭca haziety taksama patłumačyŭ, što ŭ vypadku navat nievialikaha vybuchu na borcie, łajnier pavinien byŭ razburycca pry ŭdary ab vadu, a hetaha nie adbyłosia: Tu-154 pajšoŭ na dno adnosna cełym. Pra heta śviedčyć i toj fakt, što abłomki nie zastalisia na pavierchni, a ŭspłyli značna paźniej.
Vydańnie sa spasyłkaj na apytanych ekśpiertaŭ taksama pakazvaje, što mahčymaj pryčynaj avijakatastrofy mahła stać niesinchronnaja ŭborka zakryłak. Heta adbyvajecca ŭ tym vypadku, kali adbyŭsia abryŭ pravadoŭ.
Moh samalot i ŭvajści ŭ płoski štopar z-za zaklińvańnia stabilizatara. U hetym vypadku mašyna hublaje chutkaść i sychodzić uniz.