Piać pryčyn, čamu kiraŭnik «Art-siadziby» Pavał Biełavus padtrymaŭ rasśledavańni «Našaj Nivy» VIDEA
Kiraŭnik «Art-siadziby» i zasnavalnik «Symbal.by» Pavał Biełavus u padtrymku kraŭdfandynhavaj kampanii Našaj Nivy nazvaŭ piać pryčyn, čamu jon padtrymaŭ zbor hrošaj na rasśledvańni:
Pavieł Biełavus: «Čamu treba padtrymlivać «Našu Nivu» — u mianie navat nie ŭźnikała pytańniaŭ. I ja mahu nazvać piać pryčyn, čamu ja pieraličyŭ im hrošy ŭ miežach kampanii na «Tałace», jakaja zaraz adbyvajecca.
Pieršaja pryčyna: ja kožny dzień čytaju sajt «Našaj Nivy» i amal usie naviny daviedvajusia mienavita ad ich. Sajt m.nn.by — sajt, jaki, možna skazać, hałoŭny na majoj staroncy.
Pa-druhoje, jany našyja siabry i partniory. I treciaja pryčyna — biełaruskaja mova, bo heta resurs, jaki nas vučyć biełaruskaj movie, natchniaje nas havaryć pa-biełarusku, čytać pa-biełarusku. Heta aśvieta.
Čaćviortaja pryčyna — heta historyja, heta tradycyi. U «Našaj Nivy» histooryja stahadovaja. Ludzi, jakija rabili «Našu Nivu» tady, — heta kultavyja ludzi dla Biełarusi, kłasiki biełaruskaj litaratury, heta ludzi, jakija stvarali Biełaruś. Ludzi, jakija zaraz zajmajucca «Našaj Nivy», taksama kožny ŭ sabie asoby, indyvidualnaść, jakaja siońnia ruchaje našu krainu napierad.
Piataja pryčyna — heta sučasnyja, aktyŭnyja, pryhresiŭnyja ŚMI. Tyja, chto robić hazietu, jakija majuć cudoŭny internet-resurs, jakija stvarajuć fajnaje videa, ja spadziajusia, źmianiajuć Biełaruś da lepšaha razam z usimi nami».
Raniej z zaklikam padtrymać «NN» praz Tałaku vystupili paet Uładzimier Arłoŭ…
…Staršynia Tavarystva biełaruskaj movy Aleh Trusaŭ…
…deputatka Pałaty pradstaŭnikoŭ, namieśnica staršyni Tavarystva biełaruskaj movy Alena Anisim…
…baksior-čempijon Vital Hurkoŭ…
…piśmieńnik Viktar Marcinovič:
Kab padtrymać NN, treba adkryć našu staronku na sajcie talaka.by.
Unizie možna vybrać sumu dapamohi — ad 10 da 1000 rubloŭ. Ad hetaha zaležyć, jakuju ŭznaharodu vy atrymajecie: kubak z afaryzmam, ci bajku z afaryzmam, ci fotapracu Hudzilina. My hatovyja navat pasadzić bulbu na vašym aharodzie ).
Abiarycie patrebny varyjant (čym bolš, tym lepš!) i naciśnicie na jaho. Paśla treba budzie zarehistravacca na sajcie — pry žadańni dastatkova aŭtaryzavacca praz fejsbuk ci Ukantakcie — i ŭvieści dadzienyja svajoj bankaŭskaj kartki. Kali vy chočacie zrabić uniosak ananimna, nie zabudźciesia pastavić adpaviednuju ptušku.
Važny etap
Kraŭdfandynhavy zbor hrošaj — važny etap u historyi «Našaj Nivy». My zaklikajem fundavać našy hramadska značnyja rasśledavańni.
Našyja čytačy i raniej dapamahali nam, ale ciapier, dziakujučy zručnaj placoŭcy «Tałaki» zbor hrošaj staŭ jašče lahčejšym.
Što takoje NN.by?
Heta najbujniejšaja ŭ śviecie biełaruskamoŭnaja placoŭka, jakuju štodnia naviedvajuć z 40 tysiač kampjutaraŭ i telefonaŭ — bolš, čym nasielnictva Navahrudka ci Hłybokaje z Pastavami razam uziataje.
Dla raźvićcia biełaruskaj movy žyćciova nieabchodna zachavać takuju prastoru.
«Naša Niva» adlustroŭvaje intaresy biełaruskaha hramadstva, a nie dziaržavy, svajoj ci čužoj.
Našy rasśledavańni
Rasśledavańni «Našaj Nivy» hod za hodam pieramahajuć u biełaruskich i mižnarodnych žurnalisckich konkursach.
Zhadajma niekatoryja ź ich tolki za apošni čas.
Hruntoŭnaje daśledavańnie «Chto choča zrabić ź Biełarusi Zachodniuju Rasiju» pryviało ŭ šał biełarusafobaŭ usich maściej i kalibraŭ.
«Naša Niva» pisała pra trenirovačnyja łahiery rasijskich nieanacystaŭ, kudy sprabavali zaciahnuć biełaruskich školnikaŭ, razabrałasia sa śvietapohladam «baciuški sa svastykaj» i z minułym lidara «Rumoła».
My praciahvajem adsočvać majomaść čynoŭnikaŭ — niadaŭna vyličyli Natallu Kačanavu.
Sa svaimi prablemami ŭ «Našu Nivu» źviartajucca ludzi z usich kancoŭ Biełarusi. Sioleta, naprykład, žurnalisty raźbiralisia ź fieadalizmam u Kaściukovickim rajonie.
Čynoŭniki vymušanyja reahavać na rasśledavańni «Našaj Nivy».
Tałaka tady i ciapier
Našy prodki budavalisia tałakoj, staražytnym sposabam uzajemadapamohi. Ciapier, z prychodam najnoŭšych technałohij, udzielničać u tałace stała našmat praściej. Dastatkova mieć hrošy na kartcy.
Nieabyjakavyja biełarusy z achvotaj dapamahajuć hramadska važnym prajektam. Srodki na pajezdku Vitala Hurkova na čempijanat śvietu sabrali za ličanyja dni! Tałakoj vydavali pa-biełarusku «Chroniki Narnii», pierakładali «Śvinku Pepu».
Jak paŭdzielničać u zbory srodkaŭ?
Vielmi prosta. Adkryjcie na «Tałace» našu staronku. Unizie možna vybrać sumu dapamohi — ad 10 da 1000 rubloŭ. Ad hetaha zaležyć, jakuju ŭznaharodu vy atrymajecie: kubak z afaryzmam, ci bajku z afaryzmam, ci fotapracu Hudzilina. My hatovyja navat pasadzić bulbu na vašym aharodzie ).
Abiarycie patrebny varyjant (čym bolš, tym lepš!) i naciśnicie na jaho. Paśla treba budzie zarehistravacca na sajcie — pry žadańni dastatkova aŭtaryzavacca praz fejsbuk ci Ukantakcie — i ŭvieści dadzienyja svajoj bankaŭskaj kartki. Kali vy chočacie zrabić uniosak ananimna, nie zabudźciesia pastavić adpaviednuju ptušku.
Na hety momant sabrana bolš za 105% zapytanaj sumy, ale kraŭdfandynhavaja kampanija praciahvajecca.