Zahinuŭ hiendyrektar «Homieltransnafty»
Alaksiej Kaściučenka patanuŭ u časie rybałki 12 lipienia.
Trahičny vypadak zdaryŭsia 12 lipienia kala 15 hadziny ŭ vioscy Vierchnija Žary Brahinskaha rajonu, paviedamlaje BiełaPAN. Pa słovach vidavočcaŭ Alaksiej Kaściučenka łaviŭ rybu na matorcy na siaredzinie Dniapra. Pavodle papiaredniaj versii, u vyniku rezkaha maneŭra jon vypaŭ z łodki, sprabavaŭ dapłyć da bierahu, ale patanuŭ. Cieła hiendyrektara znajšli ŭviečary nastupnaha dnia.
Alaksiej Kaściučenka naradziŭsia ŭ 1943 hodzie. Z 1998 h. pracavaŭ dyrektaram RUP «Homieltransnafta «Družba», z 2007 h. zajmaŭ pasadu hieneralnaha dyrektara pradpryjemstva.