Buchhałtar pasolstva Kazachstana ŭ Minsku skraŭ $700 tysiač
Hałoŭnaha buchhałtara pasolstva Kazachstana ŭ Biełarusi zatrymali pa padazreńni ŭ kradziažy bolš čym 680 tysiač dalaraŭ. Ab hetym paviedamlajecca na sajcie Nacyjanalnaha biuro Kazachstana pa supraćdziejańni karupcyi.
Pa źviestkach viedamstva, z 2012 pa 2015 hod supracoŭnik Siejdualijeŭ vykraŭ 207 tysiač dalaraŭ biudžetnych srodkaŭ, składajučy fiktyŭnyja raschodnyja kasavyja ordary ab apłacie hienieralnamu padradčyku budaŭnictva budynka ambasady kampanii «Aktyŭbiznesplus». Taksama jon vykraŭ bolš za 474 tysiač dalaraŭ, jakija pastupili na adras pasolstva ŭ jakaści viartańnia PDV ad padatkovych orhanaŭ Biełarusi.
Adznačajecca, što ŭ ciapierašni čas padazravany znachodzicca ŭ izalatary časovaha ŭtrymańnia departamienta ŭnutranych spraŭ Astany.