Łukašenka staŭ «najlepšym bambardziram» chakiejnaha turnira
Kaladny turnir amataraŭ chakieja zastajecca hałoŭnaj navinoj u dziaržaŭnych ŚMI. Tym bolš paśla matča zbornaj Alaksandra Łukašenki i kamandy Bałkanaŭ, jaki skončyŭsia ź likam 14:7 na karyść siabroŭ kiraŭnika krainy.
«U hetaj hulni Alaksandr Łukašenka zakinuŭ čatyry šajby, i ciapier jon uznačalvaje śpis lepšych bambardziraŭ turniru, nabraŭšy 8 ačkoŭ pa sistemie hoł plus pas (5+3)», — raduje zaŭziataraŭ infarmacyjnaje ahienctva BiełTA.
Supierniki Biełarusi śpiecyfičnyja — aproč Bałkanaŭ, heta zbornyja Šviejcaryi i Abjadnanych Arabskich Emirataŭ (!). Pryčym najmacniejšyja ź ich, jak vyjaviłasia, araby.