Chrome — samy ŭraźlivy braŭzer 2016 hoda
Chrome ad Google staŭ samym uraźlivym braŭzeram 2016 hoda. Pra heta śviedčyć daśledavańnie CVE Details, jakoje paraŭnoŭvaje kolkaść surjoznych pamyłak u prahramnym zabieśpiačeńni, što dali mahčymaść chakieram atrymać dostup da sistemy abo sietki.
Za hod u pracy Chrome vyjavili 172 uraźlivaści, adnak heta nie značyć, što dadzienyja karystalnikaŭ braŭzera ad Google padviarhajucca padvyšanaj niebiaśpiecy — IT-hihant uvieś čas vypuskaje abnaŭleńni z vypraŭleńniami pamyłak, piša dev.by.
2016 prynios mienš kłopataŭ raspracoŭnikam Apple, jakija adkazvajuć za Safari. U pracy hetaha braŭzera letaś vyjaŭvili najmienšuju kolkaść bahaŭ.
Choć Firefox nie staŭ samym uraźlivym braŭzeram u 2016 hodzie, fłahmanski pradukt kampanii Mozilla zastajecca antylidaram u ahulnym rejtynhu. Na jaho rachunku 1437 identyfikavanych pahroz (suprać 1370 u Chrome). Praŭda, u hetym niama ničoha dziŭnaha, pakolki CVE Details adsočvajuć patencyjnyja pahrozy dla Firefox ad 2003 hoda, a dla Chrome — ad 2008-ha.