CNN adkazaŭ Trampu na słovy pra «fejkavyja naviny»
Publikacyja telekanała CNN z «staranna adabranymi krynicami» ab dziejnaści ŭrada ZŠA istotna adroźnivajecca ad publikacyi vydańnia Buzzfeed z «niepaćvierdžanymi dadzienymi». Pra heta havorycca ŭ paviedamleńni na sajcie telekanała.
Jak śćviardžaje telekanał, kamanda abranaha prezidenta ZŠA Donalda Trampa viedaje pra heta i «naŭmysna vykarystoŭvaje infarmacyju Buzzfeed, kab adciahnuć uvahu ad źviestak CNN, jakija taksama pieradavali i inšyja ŚMI».
«My ŭpeŭnienyja ŭ našych dadzienych. Jany asnova taho, što abaraniaje Pieršaja papraŭka [da Kanstytucyi], infarmujučy ludziej ab unutranaj pracy ŭrada», vynikaje z paviedamleńnia telekanała. Havorka idzie pra materyjały bryfinhu, jakija byli padrychtavanyja dla prezidenta ZŠA Baraka Abamy i Donalda Trampa na minułym tydni, adznačaje CNN.
Telekanał CNN sa spasyłkaj na krynicy, znajomyja sa źmiestam bryfinhaŭ, paviedamiŭ ab najaŭnaści ŭ Rasii kampramatu na abranaha prezidenta ZŠA napiaredadni, 11 studzienia. Infarmacyja, jak adznačaŭ telekanał, była atrymana ad byłoha supracoŭnika brytanskaj raźviedki.