Sieniehał i Nihieryja padrychtavalisia da vajskovaha ŭvarvańnia ŭ Hambiju z-za admovy prezidenta pakinuć pasadu
Džamu kiruje Hambijaj z 1994 h., Reuters.com
Vojski krain, jakija ŭvachodziać u zachodnieafrykanski ekanamičny sajuz EKAVAS, padrychtavalisia da ŭvarvańnia ŭ Hambiju, paviedamlaje Associated Press sa spasyłkaj na pradstaŭnika vajskovaha kamandavańnia.
Pavodle jaho słoŭ, kali da apoŭnačy prezident Hambii Jajia Džamu nie pakinie svaju pasadu, uzbrojenyja siły «pačnuć dziejničać».
Raniej žychary Sieniehała (adzinaj krainy, ź jakoj miažuje Hambija) paviedamlali pra ruch vojska ŭ napramku miažy z Hambijaj. Nihieryja abviaściła, što nakiravała ŭ Sieniehał vajskovuju avijacyju dla padtrymki ŭvarvańnia.
Raniej EKAVAS ŭpaŭnavažyŭ Sieniehał uvieści vojski ŭ Hambiju ŭ jakaści krajniaj miery prymušajučy Džamu da adstaŭki. 18 studzienia Sieniehał unios u Radu biaśpieki AAN prajekt rezalucyi padtrymki dziejańniaŭ EKAVAS.
Kolkaść uzbrojenych sił Hambii - kala 2,5 tysiač čałaviek.
***
Na 19 studzienia była pryznačanaja inaŭhuracyja novaha prezidenta Hambii Adama Berou, jaki pieramoh na śniežańskich vybarach dziejnaha kiraŭnika dziaržavy Jajiu Džamu, jaki kiruje krainaj z 1994 hoda (jon pryjšoŭ da ŭłady ŭ vyniku vajennaha pieravarotu).
Śpiarša Džamu pryznaŭ parazu, ale paźniej abviaściŭ ab parušeńniach na vybarach i admoviŭsia pakinuć pasadu, pakul Viarchoŭny u sud nie razhledzić spravu ab parušeńniach na vybarach (heta pavinna adbycca ŭ mai). 17 studzienia jon abviaściŭ u krainie nadzvyčajnaje stanovišča terminam na 90 dzion; na nastupny dzień parłamient Hambii padoŭžyŭ jaho paŭnamoctvy na try miesiacy, piša meduza.io
Afrykanski sajuz užo zajaviŭ, što budzie ličyć Berou zakonna abranym prezidentam z 19 studzienia. Pieramožca vybaraŭ Adam Beroŭ da inaŭhuracyi vyrašyŭ zastavacca ŭ Sieniehale.