Pjany kiroŭca ŭ Breście chacieŭ źjeści pratakoł DAI
Dvoje mužčynaŭ ź Ivanaŭskaha rajona akazalisia ŭ Breście 19 studzienia. Padpiŭšy, jany vyrašyli paŭdzielničać u Vadochryščy.
«Jany kala 19:30 hadzin pryjechali da miesca masavaha kupańnia na Viaślarnym kanale. Nie turbujučy siabie pošukami miesca dla parkoŭki, kiroŭca Aŭdzi pakinuŭ aŭtamabil prosta na pierakryžavańni i chistkaj chadoj pajšoŭ da miesca pryznačeńnia, - paviedamlaje bresckaje DAI. - Viarnuŭšysia paśla kupańnia, mužčyny sieli ŭ aŭto i chacieli praciahnuć padarožža, adnak, nie viedali, što supracoŭniki DAI niepadalok zabiaśpiečvali biaśpieku darožnaha ruchu i ŭžo pilna sačyli za Aŭdzi. Jak tolki kiroŭca kranuŭsia ŭ šlach, inśpiektaram DAI było padadziena patrabavańnie spynicca».
Za rulom byŭ 42-hadovy žychar vioski Tyškovičy. Jon praihnaravaŭ patrabavańnie inśpiektara i paddaŭ hazu. Pahonia doŭžyłasia niekalki kiłamietraŭ i skončyłasia ŭ dvary adnaho z damoŭ pa vulicy Mytnaja. Vyskačyŭšy z mašyny, pasažyr i kiroŭca z krykami «heta nie ja byŭ za rulom» kinulisia biehčy ŭ roznyja baki. Adnak inśpiektary dahnali ŭciekačoŭ. Pryčym, padčas zatrymańnia parušalniki akazvali supraciŭ supracoŭnikam milicyi, što vymusiła apošnich ŭžyć fizyčnuju siłu i śpiecsrodki.
U chodzie pravierki było ŭstanoŭlena, što mužčyna, jaki byŭ za rulom, nie mieŭ pry sabie paśviedčańnia kiroŭcy i źjaŭlajecca patałahičnym parušalnikam. Na fonie šmatlikich štrafaŭ za nie propusk piešachoda, nie pryšpileny remień biaśpieki, nie vykanańnie chutkasnych režymaŭ, jaho pasłužny śpis «ŭpryhožvajuć» zapisy ab pazbaŭleńni prava kiravańnia u 2005 i 2008 hadach za kiravańnie ŭ niećviarozym stanie i pakidańnie miesca DTZ adpaviedna.
Miedycynski ahlad paćvierdziŭ, što mužčyna byŭ niećviarozy i hetym razam — u jaho było 2,5 pramile ałkaholu.
Ale toje, što adbyłosia dalej, uraziła navat vopytnych supracoŭnikaŭ DAI.
Pry afarmleńni administracyjnych materyjałaŭ, zdavałasia b užo supakojeny parušalnik, schapiŭ pratakoł apytańnia, jaki lažaŭ na stale ŭ inśpiektara, pačaŭ jeści papieru.
«Spužaŭšysia, što mužčyna moža zdušycca, inśpiektary kinulisia akazvać jamu dapamohu i vyniali papieru ź jaho rota. Na prapanovu zapić usio ž taki źjedzienyja kavałki papiery mužčyna adkazaŭ admoŭna. Aformiŭšy dakumienty pa častcy parušeńniaŭ PDR, parušalnik byŭ dastaŭleny ŭ haradski adździeł milicyi dla dalejšaha razboru», - paviedamlaje DAI.
U dačynieńni da kiroŭcy Aŭdzi składzienyja try administracyjnyja materyjały: za adsutnaść paśviedčańnia kiroŭcy; za nieadnarazovaje nievykanańnie patrabavańnia ab spynieńni transpartnaha srodku; za kiravańnie transpartnym srodkam asobaj, jakaja znachodzicca ŭ stanie apjanieńnia. Akramia hetaha mužčyna moža być pryciahnuty da kryminalnaj adkaznaści — za supraciŭ milicyi i źniščeńnie aficyjnaha dakumientu.