U Vašynhtonie dziasiatki tysiač vyjšli na «Marš žančyn» suprać Trampa
Dziasiatki tysiač čałaviek u Vašynhtonie vyjšli na «Marš žančyn», jaki staŭ kulminacyjaj mižnarodnaj kampanii pratestu ŭ pieršy dzień paśla inaŭhuracyi prezidenta ZŠA Donalda Trampa, paviedamlaje VVS.
EPA
Pieršapačatkova čakałasia, što ŭ maršy voźmuć udzieł da 200 tysiač čałaviek, adnak niezadoŭha da pačatku akcyi arhanizatary pavysili čakanuju jaŭku da 500 tysiač.
U znak salidarnaści z maršam u Vašynhtonie akcyi pratestu prachodziać u sotniach haradoŭ, u tym liku ŭ Sidnei, Łondanie, Paryžy i Barsiełonie. Ahułam na subotu zapłanavanyja da 700 «žanočych maršaŭ» pa ŭsim śviecie.
Arhanizatary, siarod jakich aktyvisty levych partyj, fieminisckich i «zialonych» ruchaŭ, chočuć pryciahnuć uvahu da prablemy pravoŭ žančyn, jakija, pa ich dumku, znachodziacca pad pahrozaj u suviazi z prychodam da ŭłady Donalda Trampa.
EPA
Udzielniki maršu, na mnohich ź jakich — jarka-ružovyja šapki, taksama vystupajuć za rasavuju roŭnaść, dastupnuju achovu zdaroŭja i prava na aborty.