Na treci dzień u Minsku znajšli 20-hadovaha studenta Akademii MUS
Milicyja i rodnyja šukali ŭ Minsku 20-hadovaha Mikitu Pančanku, uradženca Mahilova. Student-zavočnik pryjechaŭ u stalicu na siesiju ŭ Akademiju MUS i źnik. Ab vyšuku paviedamlaŭ pošukavy atrad «Anioł».
U paniadziełak, 23 studzienia, prykładna ŭ 09:00 student znachodziŭsia ŭ Akademii MUS pa praśpiekcie Mašerava, 6 u stalicy. Ale tak i nie pryjšoŭ na ispyt. Jaho pačali šukać rodnyja, vałanciory i milicyja.
Litaralna praz paŭhadziny paśla publikacyi vyśvietliłasia miescaznachodžańnie chłopca. Śviedki paviedamili, što jon špitalizavany ŭ adnu z ustanoŭ. Pa niejkaj pryčynie infarmacyja miedykaŭ nie pastupiła dalej u słužby. Vałanciory dziakujuć usim, chto adhuknuŭsia.