Rasijskija kałonii chočuć pieravieści na samazabieśpiačeńnie praduktami
Fiederalnaja słužba vykanańnia pakarańniaŭ Rasii (FSVP) pastaviła pierad saboj zadaču całkam zabiaśpiečyć źniavolenych praduktami ŭłasnaj vytvorčaści. Pakul ža ŭ kałonijach vyrablajecca tracina ad spažyvanaha miasa i pałova kapusty, ale zatoje 100% burakoŭ, paviedamlaje VVS.
ria.ru
«Pierad usimi rehijanalnymi upraŭleńniami FSVP staić zadača poŭnaha samazabieśpiačeńnia charčavańniem padviedamnych ustanoŭ», — skazaŭ namieśnik dyrektara słužby Aleh Koršunaŭ.
Heta robicca dla ekanomii. «Pierachod kryminalna-vykanaŭčaj sistemy na stopracentnaje samazabieśpiačeńnie źviazany, pierš za ŭsio, ź nieabchodnaściu skaračeńnia biudžetnych raschodaŭ», — pryznaŭ Koršunaŭ na naradzie ŭ Ivanaŭskaj vobłaści.
Ciapier, pavodle jaho danych, papraŭčyja kałonii vyrablajuć 32% usich zapasaŭ miasa va ŭstanovach FSVP. «A ŭ 2017 hodzie płanujecca pavialičyć hetuju ličbu da 68%», — skazaŭ namieśnik dyrektara słužby. Heta zapisana ŭ prahramie zabieśpiačeńnia charčovaj biaśpieki FSVP.
U jakaści prykładu Koršunaŭ pryvioŭ Ivanaŭskuju vobłaść, dzie vyrablajuć 88% ad spažyvanaha małaka i 52% kapusty, a svajoj bulbaj, ahurkami, morkvaj i burakom źniavolenyja ŭ hetym rehijonie zabiaśpiečany na 100%.
U ivanaŭskich ustanovach FSVP vyroščvajuć śviniej, aviečak, bujnuju rahatuju žyviołu, trusoŭ i kurej-niasušak.
U pierśpiektyvie FSVP płanuje vyvieści svaje pradukty na rynak, paabiacaŭ Koršunaŭ.
U Rasii ŭ miescach pazbaŭleńnia voli znachodzicca kala 650 tysiač čałaviek.