Žury Kanskaha kinafiestyvalu ŭznačalić Almadovar
Ispanski režysior Piedra Almadovar uznačalić žury Kanskaha fiestyvalu ŭ 2017 hodzie.
AFP
67-hadovy Almadovar — pieršy za ŭsiu historyju praviadzieńnia Kanskaha kinafiestyvalu kiniematahrafist ź Ispanii, jaki zojmie pasadu kiraŭnika žury.
Pedra Almadovar režysior takich filmaŭ, jak «Žančyny na miažy niervovaha zryvu», «Usio pra maju maci» i «Parazmaŭlaj ź joj». Jon dvojčy atrymlivaŭ uznaharody Kanskaha fiestyvala — u 1999 hodzie za «Usio pra maju maci» jak najlepšuju režysuru i ŭ 2006 hodzie za scenar «Viartańnia». Stužka «Usio pra maju maci», u liku inšych uznaharod, atrymała «Oskar» jak najlepšy film na zamiežnaj movie.
70-y Mižnarodny Kanski kinafiestyval projdzie z 17 pa 28 maja.