Archieołahi znajšli vajskovy arsienał XVIII st. pad zamkam u Bresckaj vobłaści
Naprykancy studzienia startavała ekśpiedycyja pa daśledavańni zamka Žabier, jaki znachodzicca ŭ adnajmiennaj vioscy Žabier (Drahičynski rajon Bresckaj vobłaści). Ekśpiedycyja pravodzicca Instytutam historyi NAN Biełarusi i dajvinh-centram «Marski piehas», u ramkach sumiesnaha prajekta pa vyvučeńni padvodnaj archieałahičnaj spadčyny.
Dapamohu ŭ daśledavańni akazvaje historyk, aŭtar knihi «Artyleryja Niaśvižskaha zamka» Mikoła Vołkaŭ, jaki dapaŭniaje praktyčnyja raboty na pomniku nieviadomymi raniej archiŭnymi źviestkami.
Padčas daśledavańniaŭ archieołahi skłali kartu hłybiń vakoł zamka, pa prylehłym rečyščy raki Jasielda. Daśledčykam udałosia łakalizavać miesca mahčymaha «skidu» častki arsienała, jaki zachoŭvaŭsia ŭ krepaści. Byŭ znojdzieny navał bujnych jadraŭ, dva ź jakich udałosia padniać na pavierchniu. Viadoma, što jadry naležali šviedam, jakija ŭ 1706 h. zachapili Žabierski zamak padčas Paŭnočnaj vajny.
Taksama siarod znachodak byŭ znojdzieny busak: