Sud nad Zelceram pryznačany na 30 lipienia
Praces projdzie ŭ Mienskim haradzkim sudzie za začynienymi dźviaryma.
Emanuił Zelcer |
Razam z E.Zelceram buduć sudzić i jahonuju sakratarku Ŭładlenu Funk (Bruskinu).
Praces projdzie ŭ Mienskim haradzkim sudzie za začynienymi dźviaryma. Sudździa — Dźmitry Klimovič.
Amerykanskaha advakata E.Zelcera abvinavačvajuć u padrobcy dakumentaŭ, kantrabandzie psychatropnych rečyvaŭ, niezakonnym abarocie narkotykaŭ i kamercyjnym špijanažy. Maksymalnaje pakarańnie za hetyja złačynstvy — da 7 hadoŭ źniavoleńnia. Viadoma, što E.Zelcer vinavatym siabie nie pryznaje.
Padčas sustrečy z amerykanskim dyplamatam amerykanski advakat kazaŭ, što paśla aryštu suproć jaho ŭžyvali fizyčnuju siłu. Taksama Emanuił Zelcer nieadnarazova skardziŭsia na drenny stan zdaroŭja i adsutnaść patrebnaj medyčnaj dapamohi. U presavaj słužbie Kamitetu dziaržaŭnaj biaśpieki zajaŭlajuć, što pavodle stanu zdaroŭja E.Zelcer moža ŭdzielničać u pracesie.
Nahadajem, Emanuił Zelcer prylacieŭ 12 sakavika ŭ Miensk nibyta dziela vyrašeńnia prablem spadčyny niabožčyka Badry Patarkacyšvili, hruzinskaha aliharcha. U aeraporcie E. Zelcer i U.Funk byli aryštavanyja i dahetul utrymlivajucca ŭ izalatary KDB — «amerykancy».