ZŠA aficyjna śpisali pieršy ŭ śviecie atamny avijanosiec, jaki zrabiŭ Toma Kruza zorkaj kino
Pieršy ŭ śviecie atamny avijanosiec USS Enterprise (CVN-65) byŭ na dniach aficyjna vyviedzieny sa składu amierykanskaha vajennaha fłotu paśla 55-hadovaj słužby, paviedamiŭ sajt navy.mil.
Padčas cyrymonii pierad apranutaj u paradnuju formu kamandaj i śpiecyjalna zaprošanymi haściami byŭ uračysta spuščany vympieł karabla.
warbirdsnews.com
Enterprise staŭ karablom, jaki adkryŭ novuju epochu ŭ vajennym budavańni karabloŭ. Jon byŭ pabudavany ŭ 1958-1961 hadach i, majučy 93 000 ton vodaźmiaščeńnia, staŭ samym bujnym bajavym karablom taho času.
Avijanosiec 25 razoŭ nakiroŭvaŭsia na słužbu ŭ roznyja častki śvietu, a pieršym bajavym zadańniem jaho stała supraćstajańnie z savieckim fłotam vakoł Kuby padčas Atamnaha kryzisu 1962 hoda, jaki pastaviŭ śviet na miažu źniščeńnia. Potym byli vajna ŭ Vjetnamie, Łaosie, bambardziroŭki Irana, Livii, Iraka, Afhanistana.
Karabiel nios ad 60 da 90 samalotaŭ. Kamanda hihanta składałasia z 3000 marakoŭ i aficeraŭ fłota i 1800 słužboŭcaŭ vajenna-marskoj aviacyi.
Na borcie karabla zdymalisia zvyšpapularny film pra lotčykaŭ Top Gun («Najlepšy strałok») z Tomam Kruzam, paśla jakoha aktor staŭ sapraŭdnaj zorkaj, i sieryjał Star Trek.