U Rasii prapanavali ŭvieści akcyz na «Hłoh»
Ministerstva finansaŭ RF prapanavała papraŭki ŭ Padatkovy kodeks, jakija ŭstalujuć akcyzny zbor za prodaž śpirtaźmiaščalnaj kaśmietyki i parfumieryi, a taksama bytavoj chimii. Prajekt zakona nieŭzabavie budzie apublikavany dla hramadskaha abmierkavańnia i, jak čakajecca, ustupić u siłu ŭ lipieni 2017 hoda.
Inicyjatyva raspracavanaja dla «procidziejańnia ŭžyvańnia nasielnictvam śpirtaźmiaščalnych vadkaściaŭ u charčovych metach», a taksama dla ŭzmacnieńnia kantrolu za realizacyjaj pieraličanych katehoryj tavaraŭ.
Jakaja mienavita akcyznaja staŭka budzie ŭstanoŭlenaja dla parfumieryi, kaśmietyki i bytavoj chimii, u kartcy dakumienta pakul nie skazana. Ale tam adznačajecca, što budzie prapanavanaja adzinaja staŭka dla etyłavaha śpirtu, ałkaholnaj i śpirtaźmiaščalnaj pradukcyi.