Siamja ź Pinska trapiła ŭ DTZ pad Ivacevičami: maci i 4-hadovaja dačka ŭ balnicy FOTY
10 lutaha na trasie M1 Brest — Minsk — miaža Rasii Volkswagen urezaŭsia ŭ HAZ, paviedamlaje DAI Bresckaj vobłaści.
Fota gaibrest.by
Siamja na lehkavušcy jechała ź Pinska ŭ Brest. Na 171 kiłamietry trasy M1 Volkswagen urezaŭsia ŭ HAZ, jaki jechaŭ u tym ža nakirunku. Pa adnoj ź viersij, 33-hadovy kiroŭca padčas ruchu zhubiŭ pilnaść.
U vyniku avaryi paciarpieła 29-hadovaja pasažyrka, jakuju ź ciažkimi traŭmami hałavy advieźli ŭ reanimacyjnaje adździaleńnie balnicy. Taksama chutkaja dastaviła ŭ miedustanovu i čatyrochhadovuju dačku paciarpiełaj. Dzicia atrymała pierałom ściahna, paviedamili ŭ DAI rehijonu. Dziaŭčynka jechała ŭ aŭtakreśle na piarednim pasažyrskim siadzieńni, paduška biaśpieki adklučanaja nie była.
Papiarednie paviedamlajecca, što kiroŭca i pasažyr byli pryšpilenyja ramianiami biaśpieki.