Supracoŭnik Trampa: My ličym, što Rasija parušaje damovu pra rakiety siaredniaj dalnaści
Rasija pryniała na ŭzbrajeńnie novuju kryłatuju rakietu, jakaja parušaje Damovu pra likvidacyju rakiet siaredniaj i mieńšaj dalnaści (RSMD), paviedamiŭ vysokapastaŭleny pradstaŭnik administracyi prezidenta Donalda Trampa.
Razmova pra naziemny varyjant rakietnaha kompleks 9M729 «Kalibr-NK» (pa kłasifikacyi NATO — SSC-8), jaki Maskva raspracoŭvaje i vypraboŭvaje ŭžo niekalki hod, choć pa mierkavańni Vašynhtona heta parušeńnie damovy, padpisanaj jašče ŭ 1987 hodzie.
Kryłatyja rakiety kanstruktarskaha biuro «Navatar» roznych typaŭ i pakaleńniaŭ
Adpaviedna z damovaj było zabaroniena vypraboŭvać, vyrablać i vałodać naziemnymi kompleksami z kryłatymi rakietami dalnaściu 500-5500 km.
«My viedajem, što heta staraja prablema. Rasijcy budujuć i vypraboŭvajuć heta ŭ parušeńnie Damovy pra likvidacyju RSMD jašče z časoŭ administracyi Abamy», — skazaŭ čynoŭnik.
«Ciapier jany ich adpravili ŭ vojski, i heta jašče bolšaje parušeńnie», — dadaŭ jon.
Pa infarmacyi z rasijskaj błahaśfiery, hetyja rakiety raźmieščanyja ŭ Centralnaj vajskovaj akruzie RF, skazaŭ supracoŭnik Trampa.
Raniej hazieta New York Times pisała, što ŭ Rasii jość «dva bataljony» parušajučych Damovu pra likvidacyju RSMD. U chutkim časie Maskva prakamientavała infarmacyju.