Na MKS sabrali pieršy ŭradžaj kitajskaj kapusty
Na borcie Mižnarodnaj kaśmičnaj stancyi (MKS) sabrali pieršy ŭradžaj kitajskaj kapusty. Hetaja infarmacyja apublikavanaja na sajcie NASA.
Tut i nižej fota: NASA
Uradžaj, jaki vyraściła astranaŭt Pehi Uitsan, sabrali 17 lutaha. Adno ź ziarniatak doŭhi čas nie mahło praraści, bo, mabyć, znachodziłasia vyšej za inšych i niedaatrymlivała vilhaci. Adnak Pehi ŭdałosia praraścić i hetaje ziarniatka.
Ekipaž kaśmičnaj stancyi zmoža pakašatavać vyraščany ŭradžaj. Adnak asnoŭnuju jaho častku zachavajuć dla navukovych daśledavańniaŭ i adpraviać u Kaśmičny centr Kienedzi.
Darečy, heta ŭžo piataja kultura, jakaja vyroščvajecca na borcie stancyi. Kitajskuju kapustu ŭ hety raz abrali paśla taho, jak praviali acenku niekalkich varyjantaŭ harodniny. Pierš za ŭsio ŭličvaŭsia taki kryter, jak pažyŭnaja kaštoŭnaść.
Na hetym astranaŭty nie płanujuć zakančvać svaje ekśpierymienty pa vyroščvańni raślin na MSK. Bolš šyroki vybar śviežych praduktaŭ charčavańnia dazvolić zabiaśpiečvać usio bolš praciahłyja misii.