Urad zaćvierdziŭ płan pa zabieśpiačeńni hiendarnaj roŭnaści ŭ Biełarusi
17 lutaha Saviet ministraŭ pryniaŭ pastanovu №149 i zaćvierdziŭ Nacyjanalny płan dziejańniaŭ pa zabieśpiačeńni hiendarnaj roŭnaści ŭ Respublicy Biełaruś na 2017-2020 hh., paviedamiła 20 lutaha pres-słužba ŭrada.
«Heta piaty prahramny dakumient, jaki nakiravany na raźvićcio miechanizmaŭ ukaranieńnia hiendarnaha padychodu ŭ praces raspracoŭki i realizacyi zachadaŭ dziaržaŭnaj palityki ŭ roznych śfierach žyćciadziejnaści hramadstva», — havorycca ŭ zajavie pres-słužby.
Nacyjanalny płan pa zabieśpiačeńniu hiendarnaj roŭnaści praduhledžvaje:
- raźvićcio instytucyjnaha miechanizmu pa zabieśpiačeńniu hiendarnaj roŭnaści;
- pašyreńnie ekanamičnych mahčymaściaŭ žančyn i mužčyn;
- zabieśpiačeńnie hiendarna-aryjentavanaj achovy zdaroŭja;
- zabieśpiačeńnie hiendarnaj roŭnaści ŭ siamiejnych adnosinach;
- supraćdziejańnie hvałtu ŭ siamji i handlu ludźmi;
- hiendarnaja adukacyja i aśvieta.
Finansavańnie zachadaŭ pa realizacyi Nacyjanalnaha płanu praduhledžvajecca ŭ miežach srodkaŭ respublikanskaha i miascovych biudžetaŭ «na adpaviednyja mety, a taksama pazabiudžetnych i inšych krynicaŭ, nie zabaronienych zakanadaŭstvam».