Francyja vydała Rasii abvinavačanaha ŭ zabojstvie, jaki vosiem hadoŭ prykidvaŭsia uciekačom ź Biełarusi
Francyja ekstradavała ŭ Rasiju abvinavačanaha ŭ zabojstvie Alaksandra Osina, jaki z 2008 hoda žyŭ u Jeŭropie pad vyhladam biełaruskaha ŭciekača. Pra heta raspaviałi ŭ Śledčym kamitecie Rasii.
Osin byŭ prymusova viernuty ŭ Rasiju 30 śniežnia 2016 hoda. Jon raspavioŭ śledčym, što niezakonna pierasiok miažu z Polščaj na nastupny dzień paśla zabojstva, jakoje adbyłosia ŭ Kalininhradzie ŭ śniežni 2008 hoda.
Dajechaŭšy na aŭtobusie da Paryža, Osin pradstaviŭsia uciekačom ź Biełarusi, nazvaŭ vydumanaje imia i pačaŭ atrymlivać dapamohu. Jon taksama pieryjadyčna žyŭ i pracavaŭ u Hałandyi, Luksiemburhu i Šviejcaryi.
Palicyja Paryža zatrymała Osina ŭ sakaviku 2016 hoda, kali zdadzienyja im pry zvarocie ŭ mihracyjnuju słužbu adbitki supali z dadzienymi z bazy Interpoła.
Osina abvinavačvajuć u tym, što 21 śniežnia 2008 hoda jon zabiŭ 22-hadovuju pradaŭščycu kramy intym-tavaraŭ «Formuła kachańnia». Z 2010 hoda jon znachodziŭsia ŭ fiederalnym, a z 2013 - u mižnarodnym vyšuku.