Kantralory biez apaznavalnych kamizelek źjaviacca ŭ minskich tramvajach paźniej, čym paviedamlałasia
U kancy lutaha ŭ «Minsktransie» zajavili, što z 1 sakavika kantralory ŭ tramvajach buduć pracavać biez apaznavalnych kamizelek. Adnak siońnia terminy ŭkaranieńnia hetaha novaŭviadzieńnia pieranieśli, paviedamlaje BiełTA.
Pa słovach načalnika kantrolna-revizorskaj słužby «Minsktransu» Juryja Davidoviča, rašeńnie pavinna być pryniata ŭ bližejšy čas.
«Užo ŭ pieršaj pałovie sakavika kantralory [u tramvajach] admoviacca ad śpiecyjalnaj formy. Paźniej mahčymy raspaŭsiud padobnaj praktyki i na tralejbusnyja maršruty, - skazaŭ Davidovič.
Razam z tym u rabotnikaŭ pry sabie pavinny być paśviedčańnie, bejdž z fota i ukazańniem pasady, a taksama pryłady dla pravierki apłaty prajezdu. Takim čynam, minskija transpartniki pierajmajuć vopyt mnohich jeŭrapiejskich krain, dzie kantralory mienš prykmietnyja.