Tramp zaklikaŭ rasśledavać prasłuchoŭvańnie jaho razmoŭ Abamam pierad vybarami
Prezident ZŠA Donald Tramp zaklikaŭ Kanhres rasśledavać złoŭžyvańnie paŭnamoctvami administracyi byłoha kiraŭnika dziaržavy Baraka Abamy, jakaja nibyta prasłuchoŭvała jaho telefony padčas pieradvybarčaj honki. Pra heta ŭ svaim Twitter napisaŭ pres-sakratar Trampa Šon Spajsier.
Reuters.com
Jon paviedamiŭ, što paviedamleńni pra «patencyjna matyvavanyja palityčnyja rasśledavańni» pierad vybarami vyklikajuć tryvohu.
«Prezident Tramp paprasiŭ, kab u ramkach rasśledavańnia ab dziejnaści Rasii kamitety kanhresa pa raźviedcy vykanali svaje paŭnamoctvy pa nahladzie i vyśvietlili, ci byli parušanyja paŭnamoctvy vykanaŭčaj ułady ŭ 2016 hodzie», - napisaŭ Spajsier.
Jon adznačyŭ, što ni Bieły dom, ni sam Tramp nie budzie kamientavać hetuju situacyju da zakančeńnia rasśledavańnia.
Napiaredadni kiraŭnik ZŠA abvinavaciŭ Abamu ŭ prasłuchoŭvańni jaho telefonaŭ u kastryčniku 2016 hoda. Pavodle jaho słoŭ, były amierykanski prezident prasłuchoŭvaŭ razmovy ŭ Trump Tower, dzie znachodziŭsia jahony pieradvybarčy štab.
«Mahu paspračacca, što dobry advakat moža raźdmuć vialikuju spravu z taho faktu, što prezident Abama padsłuchoŭvaŭ maje telefony ŭ kastryčniku prosta pierad vybarami!» — dadaŭ Tramp.
Jon nie pryvioŭ nijakich dokazaŭ, adnak paraŭnaŭ hety vypadak z Uoterhiejckim skandałam.
Aficyjny pradstaŭnik byłoha prezidenta ZŠA Kievin Luis adchiliŭ hetyja abvinavačvańni. Jon zajaviŭ, što ni Abama, ni inšyja supracoŭniki Biełaha doma «nikoli nie davali ukazańniaŭ ažyćciaŭlać prasłuchoŭvańnie amierykanskich hramadzian».