U kramach «Susiedzi» pačali pracavać kasiry z abmiežavańniami pa słychu
jak vy staviciesia da inicyjatyvy?
Śpiecyjalny prajekt «Cichaja kasa» dla ludziej z abmiežavanymi mahčymaściami, jakija čaściakom nie mohuć znajści miesca pracy, startavaŭ u «Susiedziach» u pačatku sakavika.
Pakul što na śpieckasie pracuje tolki adzin čałaviek: u kramie na Daŭhinaŭskim trakcie. Pra heta «NN» paviedamiła śpiecyjalist adździeła markietynhu Maryna Malkievič. Ale ŭžo zaraz idzie padrychtoŭka jašče niekalkich pačatkoŭcaŭ, i nieŭzabavie jany prystupiać da novych abaviazkaŭ.
«Naturalna, nie ŭsie pakupniki hatovyja da absłuhoŭvańnia kasiram, jaki nie zaŭsiody pačuje ci adkaža na pytańni. Tym nie mienš emacyjny kantakt i pazityŭny nastroj chłopcaŭ dazvalajuć zabiaśpiečyć vysoki ŭzrovień servisu i pakinuć pazityŭnaje ŭražańnie ad absłuhoŭvańnia na «cichaj kasie», — ličyć kiraŭnictva «Susiedziaŭ».