Centr navin AAN: u parłamientach Isłandyi, Nikarahua, Ispanii i Biełarusi bolš traciny deputataŭ žančyny
Za minuły hod kolkaść žančyn siarod deputataŭ pa ŭsim śviecie pavialičyłasia na adzin pracent. Na siońniašni dzień u parłamientach śvietu im naležyć usiaho 23% deputackich miescaŭ. Pra heta havorycca ŭ dakładzie Mižparłamienckaha sajuza, jaki ŭtrymlivaje statystyku za 2016 hod. Jaho vypusk prymierkavany da Mižnarodnaha žanočaha dnia.
U dakumiencie paviedamlajecca, što pakul niamnohim krainam udałosia davieści dolu žančyn-zakanadaŭcaŭ da 30%. U liku takich «pieradavikoŭ» — Isłandyja, Nikarahua, Ispanija i na čaćviortym miescy Biełaruś. Siarod biełaruskich deputataŭ — 34,5% žančyn. Dla paraŭnańnia: narodnyja abrańniki-žančyny ŭ Rasii składajuć 13%, u Kazachstanie — 27,1% i Hruzii — 16%.
Pradstaŭniki Mižparłamienckaha sajuza zajavili, što, navat staŭšy deputatami, žančyny pa-raniejšamu sutykajucca z hvałtam. Kali nie pryniać aktyŭnych mier, to hiendarny parytet siarod parłamientaryjaŭ nastupić nie raniej, čym praz paŭstahodździa.