U Baranavičach udzielnikam mitynhu suprać Dekreta №3 pahražajuć štrafy pa 690 rubloŭ
U aŭtorak, 7 sakavika, pratakoły ab administracyjnych pravaparušeńniach skłali ŭ dačynieńni Michaiła Strelčyka, Mikałaja Čarnavusa-małodšaha i Mikałaja Čarnavusa-starejšaha. Skazać dakładna, u dačynieńni da jakoj kolkaści čałaviek skłali pratakoły, pakul składana, śviedčać aktyvisty.
Strelčyka i Čarnavusaŭ abvinavačvajuć pa artykule 23.34 Kodeksa ab administracyjnych pravaparušeńniach — «parušeńnie paradku arhanizacyi i praviadzieńnia masavych mierapryjemstvaŭ». Artykuł praduhledžvaje papiaredžańnie, štraf da 30 bazavych vieličyń (da 690 rubloŭ) abo administracyjny aryšt.
Pakarańnie aktyvistam vyznačyć sud, piša intex-press.by.
Akcyja suprać Dekreta №3, za jakuju aktyvistaŭ pryciahnuli da administracyjnaj adkaznaści, prajšła ŭ Baranavičach 26 lutaha. Na mitynh sabrałasia kala 300 čałaviek.