U Biełarusi raspačałasia kampanija za čałaviečaje staŭleńnie da paradzich
Inicyjatyva «Radziny» raspačała na staroncy zvarot.by kampaniju pa zbory podpisaŭ pad aficyjnym zvarotam da Ministerstva achovy zdaroŭja pavažać pravy žančyn padčas ciažarnaści i rodaŭ.
«Rańni etap našaha žyćcia (ad začaćcia da hoda), u asablivaści akaličnaści naradžeńnia, adbivajucca na dalejšym žyćci i krytyčna važny dla budučaha fizičnaha i psichičnaha zdaroŭja», — śćviardžajuć arhanizatary.
Pavodle «Radzinaŭ», biełaruski padčas ciažarnaści i rodaŭ časta sutykajucca ŭ paliklinikach, radzilniach i špitalach ź niepavahaj da svaich pravoŭ i patrebaŭ. Heta pahražaje ich žyćciu i zdaroŭju.
«Vyžyvańnie — nie adzinaje, u čym maje patrebu žančyna i jaje dzicia padčas ciažarnaści i rodaŭ», — śćviardžajuć arhanizatary.
Kalektyŭny zvarot budzie skiravany ŭ Ministerstva achovy zdaroŭja 30 krasavika. Čynoŭniki buduć abaviazanyja razhladzieć jaho ciaham 15 dzion i dać adkaz — na staroncy ministerstva abo praz elektronnuju poštu.