Jehipiet płanuje da leta zapuścić sistemu elektronnych viz
Sistema elektronnych viz moža źjavicca ŭ Jehipcie ŭžo da leta. Jak pieradajuć infarmahienctvy sa spasyłkaj na vydańnie «Al-Masry al-Jaum», urad uchvaliŭ ukaranieńnie hetaha novaha dla krainy prajekta.
«Sistema budzie hatovaja ŭžo ŭ mai, — abviaściŭ ministr kamunikacyj i infarmacyjnych technałohij Jehipta Machamied al-Kadzi. — Jana daść mahčymaść značna źniać nahruzku ź sił biaśpieki, a taksama ablehčyć atrymańnie prava na ŭjezd u krainu samim turystam».
Pa jaho słovach, «turystam dastatkova zapoŭnić u elektronnym vyhladzie formu dla atrymańnia vizy, a paśla ŭchvaleńnia ŭładami kopija prava na ŭjezd budzie nakiravanaja im pa elektronnaj pošcie».
Ciapier turysty, jakija ŭjazdžajuć u Jehipiet, kuplajuć vizu na miažy, adnak heta zaŭsiody spałučana ź vialikimi čerhami i lišnimi niervami dla zamiežnikaŭ, jakija pryjechali adpačyć.
Nahadajem, z 1 lipienia cana adnarazovaj vizy ŭ Jehipiet uzraście da 60 dalaraŭ.