U Babrujsku siarod nočy milicyja zatrymała čatyroch čałaviek
Apoŭnačy 11 sakavika babrujskija milicyjanty zatrymali kinarežysera Maksima Bujnickaha. Pra heta jon paśpieŭ paviedamić u svaim fejsbuku: «Zatrymali na vuł. Łyńkova. Viazuć u Pieršamajski adździeł milicyi».
Maksim Bujnicki ŭdzielničaŭ u mitynhu «niedarmajedaŭ» 26 lutaha, pierad tym pierapoščvaŭ afišy da mitynhu. Cieraz heta mierkavaŭsia milicyjantami jak adzin z arhanizataraŭ, mieŭ pozvu na 12 sakavika, jakraz na dzień nastupnaha mitynhu.
U RAUS Pieršamajskaha rajona Babrujska Svabodzie paćvierdzili, što Maksim Bujnicki znachodzicca ŭ ich. Pa słovach dziažurnaha, jon byŭ zatrymany za drobnaje chulihanstva. Bujnickaha buduć sudzić za parušeńnie artykułu 17.1 KaAP. Heta značyć, za niecenzurnuju łajanku ŭ hramadzkim miescy, abraźlivaje prystavańnie da hramadzianaŭ i inšyja naŭmysnyja dziejańni, jakija parušajuć hramadzki paradak. Sud abudziecca paśla vychodnych.
Paźniej źjaviłasia infarmacyja, što akramia Bujnickaha ŭ Babrujsku ŭnačy byli zatrymanyja prynamsi try čałavieki: Alaksiej Ramanaŭ, Maksim Łubinski j Volha Aŭdziejčyk.
Maksim Łubinski a treciaj hadzinie načy datelefanavaŭsia da aktyvistki AHP Haliny Śmirnovaj i paviedamiŭ pra zatrymańnie jaho i Volhi Aŭdziejčyk. Adnak u Pieršamajskim RAUS paćvierdzić hetyja zatrymańni admovilisia.
«Infarmacyja dadzienaja razhałošvańniu nie padlahaje, źjaŭlajecca słužbovaj», — skazali ŭ RAUS.