Ściana Ščotkinaj «zamiratočyła» mnostvam fihurak Miaśnikoviča FOTAFAKT
Na minskaj ścianie, jakaja prasłaviłasia partretam eks-ministra pracy Maryjany Ščotkinaj, źjaviłasia novaje hrafici — 12 fihurak staršyni Savieta Respubliki Michaiła Miaśnikoviča. Nijakaha podpisu pad imi niama.
Nahadajem, płot u adnym ź minskich dvorykaŭ nabyŭ viadomaść, kali na im źjaviłasia vyjava eks-ministra pracy Maryjany Ščotkinaj z podpisam «Heta ja aŭtar padatku na biespracoŭnych». Partret pravisieŭ niekalki hadzin, pakul jaho nie źniščyli rabotniki ŽESa.
Nieŭzabavie na tym samym miescy nieviadomym hraficistam byŭ zrobleny nadpis «Vy ž sami ŭsio razumiejecie». Jaho isnavańnie taksama było niadoŭhim. Kolki praisnujuć «miaśnikovičy», pakul skazać składana. Darečy, Ščotkina zaraz źjaŭlajecca namieśnicaj Miaśnikoviča ŭ Saviecie Respubliki.
Ale siońnia ranicaj vyjava Miaśnikoviča źjaviłasia taksama na vulicy Družnaj.